Sorginloretik Donostiako Udalarekin batera aritu gara gorroto-intzidenteen aurrean jarduteko eta horiek prebenitzeko Udal Protokolo berria lantzen. Tresna horren bidez, gorrotoak eragindako diskriminazio eta indarkerien aurrean erakundeen erantzuna indartu nahi du Udalak. Prozesu osoan zehar, udal-zerbitzuekin, gizarte-erakundeekin eta aditu diren eragileekin batera lan- eta hausnarketa-guneak dinamizatu ditugu, giza eskubideen eta aniztasunaren ikuspegitik, egoera horiek prebenitu, artatu eta erreparatzeko.