Sorginloretik Donostiako Udalarentzat egindako 2025eko LGTBI+fobiaren intzidentziei buruzko txostena aurkezten dugu. Lan honen bidez, hirian sexu-orientazioaren edo genero-identitatearen ondorioz gertatzen diren diskriminazio, eraso eta gorroto-intzidentziak dokumentatu eta aztertu ditugu, errealitate horren jarraipena egiteko eta haren bilakaera hobeto ulertzeko. Txostenak erakusten du 2025ean 22 intzidentzia LGTBI+fobiko erregistratu direla Donostian. Homofobia izan da kausa nagusia, kasuen %77,3an presente egonik, eta kalea izan da intzidentzia gehienen agertokia. Eraso mota ohikoenak hitzezkoak izan dira; hala ere, datuek erakusten dute eraso fisikoek beheranzko joera dutela azken urteekin alderatuta.